Czëtnica ^1.5

Yang Youn-soon

Tadżi: Swiat, Yang Youn-soon | Felënk dopòwiesców »

Yang Youn-soon to kòmiksowi artista z Pôłniowi Kòreji, chtëren zadebiutowôł w 1995 rokù. Spòd jegò rãczi miałë wëszłé taczé kòmiksë jak ‘NudlNude’, ‘Junk Book’, ‘Kidongi’ (’Môłi knôp’), ‘Kungdariman’ czë ‘Asaekkiga’. Jegò nôslédné robòtë: ‘Kidongi’ ë ‘Asaekkiga’ zrobiłë gò pòpùlarnym dlô wiôldżégò karna lubòtników kòmiksów na całim swiece.

Осип Эмильевич Мандельштам

Tadżi: Swiat, Осип Эмильевич Мандельштам | Felënk dopòwiesców »

Òspip Mandelsztam (Осип Эмильевич Мандельштам, 1891-1938) – bëlny rusczi pòéta. Ùrodzył sã w Warszwie, pòzdze mieszkôł w Petersbùrgù. W młodoscë wëjachôł do Pariza i tuwò sztudérowôł francëską lëteraturã, pòtémù w Petersbùrgù sztudérowôł téż filozofiã. Jegò pòeticczim debiutã béł zbiérk Kam (Камень, 1913). Mandelsztam béł sparłãczony z ùtwórczim karnã akmejistów. Drëkòwôł w akmejisticznym cządnikù „Apollon”. W 1913 r. napisôł manifest „Swiat akmejiznë”, jaczi òdnôszôł sã do sprawów sparłãczonëch z akmejistama.

Анна Ахматова

Tadżi: Swiat, Анна Ахматова | Felënk dopòwiesców »

Ana Achmatowô (Анна Ахматова ) (1889-1966) – ùznôwónô je za jedną z nôbëlniészich rusczich pòétek. Z wësoką pòézją miała do ùczinkù ju w dzecnëch latach, czedë nënka recytowała ji wiérztë Dierżawina i Niekrasowa. Ana pierszą swòjã wiérztã napisała, jak bëła 11 lat starô. W 1912 rokù wëszedł ji pierszi tomik, zatitlowóny „Вечер”.

Pòézjô Anë Achmatowi skòncentrowónô je na pòjedinczim sztóce, na wëjimkòwòscë doznaniô. Òsoblëwòscą je tuwò aùtenticznô białczënô pòétika. Je to pòézjô pòkazëjącô prôwdzëwòsc emòcjów, przeżëców i snieniów białczi – pòézjô białczëny dëszë. Òkróm témów miłotë, samòtnoscë, tesknotë, są tuwò téż mòtiwë wanogów do swiata ùmarłëch, inspirowóné mëslą Dantégò.

Lidija Gačnik-Gombač

Tadżi: Swiat, Lidija Gačnik-Gombač | Felënk dopòwiesców »

Lidija Gačnik-Gombač – ùrodzonô 20 czerwińca 1961 r. w Lublanie. Sztudérowała slawistikã i rusczi jãzëk na Filozoficznym Wëdzélu w Lublanie. Terëczasno robi jakno biblotekôrka w Maribòrsczi biblotéce. Je slowenska aùtorka òpòwiôdaniów i nowelów, téż pòétka i dolmaczérka. Òpùblikòwała m.jin. zbiérczi prozë zatitlowóné: „Magdalena”, „Jajce”.